藝人鄭裕玲（DoDo）為復活節活動擔任嘉賓，同場有一班小朋友表演，當中謝天華女兒Mia負責表演探戈舞，天華與太太Tina孖住現身撐場，只見Mia拖住外籍拍檔出場，及後演出時毫不怯場，表現不俗，天華看見愛女表演時亦笑容燦爛，事後受訪時大讚女兒很有節奏感：「佢真係好鍾意跳舞，喺屋企有時叫我幫佢排舞。（拖住男同學？）感覺真係好奇怪。（第時係呷醋外父？）依家先知呢種感覺，反而個仔就鍾意跳街舞。（想佢哋繼承你衣鉢？）言之尚早，依家叫佢哋跳舞，都係想佢哋運動吓，郁吓啲筋骨。」
其後天華更主動與DoDo打招呼，更表示：「恭喜你！」暗示她離巢無綫後重獲自由，DoDo直言現時有新生活，有很多製作單位也想合作，但現時不便透露，更預告復活節將出埠為HOY TV拍攝旅遊節目，故近日也忙於執行李。
