現年48歲的車婉婉2013年嫁拍拖三年的澳洲籍男友、游泳教練Jonathon，2017年以42歲高齡誕下兒子Justus Quinlan（BBQ），囝囝上月底6歲生日，一家搞了個小型派對慶祝。沒想到只隔幾日，車婉婉一透眼睛腫到似家暴，今午（1日）她貼出近照，見到以手巾仔遮眼，另一張相就又紅又腫，要戴墨鏡遮掩。車婉婉直言：「有朋友見到我問我係咪比（畀）人打咗一錘」。其實車婉婉去年3月都已經分享過受傷照，見她的腳腕、膝蓋和手指包紮了紗布，看來傷勢不輕，事後她自爆跌倒受傷，但其實當時已有網民留言好奇問她是否遭老公家暴，事關車婉婉之前更數次分享兒子跌倒照，而且大部份傷勢都在臉上，引來少部份網民討論。
車婉婉留言：「星期六．一早起身搵醫生（圖二慎入），醫生話可能係因為呢排化好多妝，而且長鐘，有細菌入侵眼睛，今次要食埋抗生素同消炎藥、止痛藥⋯⋯希望可以快啲搞掂又開工（圖二係有少少恐怖，如果睇到令大家唔開胃真係唔好意思），但係想講，我今日仍然會出現在快閃活動，不過無得化妝，素顏希望大家見諒。3:00 See u all #眼睛打敗仗 #好彩一早搵到醫生 #又紅又腫又痛 #有朋友見到我問我係咪比（畀）人打咗一錘 #熱敷幫到手 #勤力d #唱歌用把口 #答應咗嘅事就要做到底 #約定你哋 #中年好聲音 #快閃」，不少網民及圈中人都有送上慰問。
