楊千嬅、黃宗澤、林峯、吳卓羲、林保怡等今日（25日）在澳門出席《無限超越群星演唱會》。楊千嬅在演唱會上將會演繹其主演劇集《多功能老婆》主題曲及其他劇集歌，她指已年多沒來澳門開show，但因覺得今次這個騷關於劇集歌曲傳承，覺得有情意結意，所以就算跟囝囝Torres去旅行，也要特別趕回來做騷。提到干嬅放下天后身份，跪地幫囝囝試鞋，千嬅就解釋因要用手指測量鞋子大細，是媽媽應該要做的事。
楊千嬅笑言幸好演唱會播出《多功能老婆》的片段：「如果係《美味情緣》嗰啲樣，唔係得我一個人驚，青葱到曬燶咗咁。」提到2000年《美味情緣》拍檔林峯亦在場，千嬅就笑指兩人識於微時，不過現時的話題已改變：「唔認老都唔得，以前講去邊度玩、買乜嘢？而家就係講仔女同養生，而家冇辦法唔養。」因疫情問題，楊千嬅巡迴演唱會也要叫停，現時她打算繼續續開巡迴，不過希望再加入新元素，又笑言在復活節先陪完囝囝去旅行後再計劃：「我真係冇吹水，我上次話報復式旅行，我真係有做，說到做到！（不如做旅遊節目？）我想㗎，你哋有冇人介紹？我想做，我真係鍾意，大咗追求嘅嘢唔一樣，可能係生活、家人，想享受生活。」
吳卓羲、林峯及黃宗澤三兄弟應傳媒拍合照時，在《無限超越班》中有份演出的大陸女藝人趙櫻子突然攝位，走到三人旁，令三人一臉愕然。三人指入行多年從未試過一起拍劇，所以昨晚在酒店傾足一晚，構思可以在哪方面合作，吳卓羲笑說：「我哋好少三個人可以坐埋一齊傾偈，第一次，一個敷mask、一個夾頭髮，好麻甩！」
黃宗澤指三人可以給觀眾看私下真面目，不過揚言三人在一起會很難搞。吳卓羲及林峯即埋怨他沒有參與真人騷《披荊斬棘2》，吳卓羲和林峯直指：「叫佢去又唔去，又話冇期，又話要拍戲，全部啲戲都俾佢拍晒。」他們謂希望日後每月能聚一下：「去拍旅行又得，飲食又得，好多嘢可以三個一齊發生。」問到今年是否能成事？吳卓羲就笑說：「《披哥》就嚟開喇，又唔知佢去唔去？」林峯更表示若黃宗澤會參與，他們就會去撐場。提到有指TVB將裁員，他們表示希望不要裁員，因為市道剛剛轉好，希望個個也好。
林保怡與陳慧珊這對經典情侶CP，會在演唱會上合唱《妙手仁心II》主題曲《愛不出口》。兩人過去曾合作多部劇集，包括《鑑證實錄》及《妙手仁心》系列等，今次再聚湧現很多回憶，林保怡指因今次兩人是首次合唱，故特別緊張。至於陳慧珊則表示很久沒有唱歌，所以事前也要做好準備，希望不會令專程來捧場的觀眾失望。問到兩人日後可有合作機會？陳慧珊表示有機會，而林保怡隨即指曾想過找對方合作，但首先一定要有好劇本：「就算陳慧珊答應都希望等佢做好自己嘅嘢先，到時會叫佢畀兩個星期我。」而陳慧珊則笑言又要做媽媽、學生及教育工作者，工作永遠做不完：「做完論文後，只要保怡覺得角係啱嘅我一定會認真考慮。」而林保怡就笑言沒有劇本，陳慧珊亦一囗答應，很對方的信任。
