43歲的方力申一直被封為圈中筍盤，近排仲以五千萬購入一間董事屋，據知方力申亦有收藏名畫習慣，收藏品可謂價值連城，認真衣食無憂！
雖然方力申是娛圈筍盤，但他自與鄧麗欣分手後，一直以來感情狀態都是問號，之前與馮盈盈、陳瀅傳的緋聞都無疾而終，一直沒有得到方力申令尊確認。最近有消息指方力申單身5年後，暗地撻著叫「Maple Yip」的氣質素人，有人更形容她為「氣質版馮盈盈」！
自從與鄧麗欣分手後，方力申一直有跟其他女明星傳出緋聞，例如：馮盈盈、陳瀅、陳曉華等。惟一直未聞真確性，方力申亦沒有親身確認戀情。最近有消息指，娛圈筍盤方力申單身5年後，終於有新戀情，有關對象條件更稱是全方位撼贏馮盈盈！
據知方力申的新歡名叫「Maple Yip」，樣貌極有明星相，一身秀麗，眼睛大大，皮膚白哲，五官輪廓與馮盈盈有點相似，但氣質勝於後者，被稱為「氣質版馮盈盈」，望上去好似韓星。據知Maple Yip是一名藝術家，經常將畫作分享到社交平台，都係以充滿個性嘅素描作品為主，此外Maple Yip精通中、英、韓語等多國語言，認真多才多藝，同之前與方力申傳緋聞的馮盈盈，都唔輸蝕！而方力申亦有收藏畫作藝術品的興趣，難道二人因藝術而結緣，擦出火花。
筍盤方力申自從同鄧麗欣分手後，雖然都有間歇傳出緋聞，但面對記者提問，方力申都答得非常隱晦，令查問無疾而終。而最近方力申出席單車活動時，罕有地提及自己感情狀況，似乎想為新戀情曝光作鋪墊…
方力申活動中向記者明言，曾遭母親催促拍拖，又指相士指出佢今年會有姻緣，似乎想暗示今年發生嘅戀情都係堅料咁：「相士話會『埋單』，如果埋唔到單就要再等十年八年。」方力申向記者坦白一番話後，無過幾耐就傳出其撻着Maple Yip的緋聞，消息指方力申已經將Maple Yip介紹給朋友認識，而Maple Yip在朋友圈中的評價相當不錯！
文章版權為新傳媒集團所擁有，原文請按： 网页链接
