無綫女星朱智賢選港姐入行…

無綫女星朱智賢選港姐入行，但其實早在20年前，佢就曾參加過女子組合Cookies新成員選拔比賽，近日其好友曹敏寶出戰無綫歌唱比賽節目《中年好聲音》，朱智賢就喺社交網上載2人當年於Cookies選拔賽結緣嘅合照，為對方加油打氣，留言指：「當年參加Cookies比賽，認唔認到邊個係我？This is how I met Mable when we were 17yo！（這是我17歲時認識敏寶的場合）」陳年舊照一出，其樣子即引起網民討論，當年嘅佢樣子青澀，皮膚偏黑且眼細細鼻扁扁，反觀現時眼大大兼鼻子高挺，認真愈大愈靚女。