藝人湯怡與顧定軒今日（28日）在九龍塘出席《至Fit 安全駕駛大行動 得閒檢查聚一聚》活動。湯怡有車牌超過10年，但過去駕駛屈指可數，但因要接送載女兒，近期也開始揸車，自然要由老公「補鐘」，她說：「但係老公坐喺隔籬壓力好大，坐隔離嗰個往往講嘢都好似大聲少少，好似呼呼喝喝咁，自己反應係慢嘅，所以都要練吓先。」顧定軒9月將會考車牌，笑言沒有信心一次合格，必要時要請教任職小巴司機的爸爸。
講到口罩令明天將解除，湯怡指當然開心，因為戴口罩已經3年，但因有小朋友，在人多的地方也會選擇佩戴，她說：「都要畀個女吸收吓新鮮空氣同埋病菌。」她希望解除口罩令後餅店生意會上升，她說：「新年同啲同事坐埋食飯，大家除口罩，先知佢哋咩樣。」顧定軒也開心不用戴口罩，不用再焗到皮膚起粒粒。
