28歲香港名媛蔡天鳳（Abby Choi）慘遭殺害兼分屍，消息震驚全港。今天（26日）TVB資訊節目《東張西望》訪問了與Abby相識5年的好友豹太，期間豹太不斷痛哭。
28歲名媛蔡天鳳（Abby）前夫一家密謀殺人，警方就該案已拘捕死者前夫的父母及兄長3人，惟涉案前夫一度潛逃，消息指警方已於周六下午（2月25日）在東涌搜獲在逃前夫，該名姓鄺、洋名Alex男子以涉嫌謀殺，將其拘捕帶走扣查。警方暫控兩名年齡分別為31及65歲的男子合共一項謀殺罪，另外一名63歲女子一項妨礙司法公正罪。被控3人分別是死者前夫的父親、兄長和母親，案件將於星期一（27日）上午在九龍城裁判法院提堂。
最新案情又有突破發展，再多一人被捕：一名47歲女子涉協助罪犯匿藏被捕，警方透露該女子於娛樂場工作，係前家翁情婦，於案發後曾協助死者前夫逃避追捕。
在2016時候，Abby與譚仔太子爺結婚，豹太在今晚（26日）TVB播出《東張西望》中，爆出Abby大伯是今年農曆年才做Abby司機，她謂：「Abby本身有幾個司機，其中一個司機係專門接Abby同前夫生嘅小朋友，但過年時無做，兇手家人就話不如叫大伯做啦，Abby一向冇乜所謂，佢只係要一個信任嘅人，佢好信前夫一家。」
豹太指Alex父母家境都麻麻：「佢哋16、7歲識，Abby喜歡一個人唔會理人家境，只會全心全意去照顧，當年點解離婚，只可以話性格不合，但離婚之後，Abby無講過對方任何一句壞話，Abby仲要照顧佢哋全家，之前佢哋話要搞雞蛋仔生意，Abby知道蝕梗都照打本，我亦聽聞前夫爸爸最衝動。」
豹太還指她不知 Alex 曾犯騙案被通緝，亦覺得連蔡天鳳都應該不知，因為蔡天鳳為人很簡單：「佢淨知Alex成日返大陸，都係坐船，應該唔知呢個人被通緝。」
而譚家視Abby與前夫的孩子視如己出，「譚家呢一家人好到呢，呢句係佢哋講，『每一個人都過去，我搵一個新抱，等於我個女，你要記住Abby本身同我哋係門當戶對』（唔係講到Abby嫁入豪門咁？）唔係，Abby老爺奶奶好錫Abby前夫小朋友，佢哋嘅小朋友甚至可以上佢張床瞓。」
另外也有講到Abby與郭富城太太方媛是很要好的朋友，豹太說：「係呀，佢哋應該係Event識，超閨密，係同時間一齊陀BB，好friend。」 而今天（26日）晚上，方媛對好友蔡天鳳慘被殺害一事首發聲，她在IG發帶一張黑白的花朵照片，寫道：「心情極度悲痛，此刻仍無法接受這是事實！內心難過得無法言喻，只有一千個為什麼？痛心的情緒至今仍不能平息！」
只有28歲的Abby，豹太更說她生前還有一個願望未能實現，就是為小動物舉辦一個慈善機構，期間豹太激動爆哭：「佢自己都有養動物，佢好想幫助好多動物，好多動物畀人棄養，佢自己幫好多動物，想做好多慈善嘅嘢，所以佢先叫的一齊去做。有隻2個月大嘅貓畀車車斷手，仲要車斷幾日，成隻手都係烏蠅蟲，我都唔敢去見，而佢自己衝落去幫隻貓，佢放下身段。」
文章版權為新傳媒集團所擁有，原文請按： 网页链接
