TVB事隔二十多年再辦「TVB賽馬日」，一眾高層和小生花旦現身沙田馬場支持活動。對於港台宣佈與TVB分家舉辦音樂頒獎禮，外界議論紛紛。TVB節目內容營運總經理曾志偉在活動上透露了TVB未來頒獎禮的舉辦動向，據知皇牌節目《勁歌頒獎禮》將被「陰乾」，改為兩年一屆…
19日的「TVB賽馬日」，節目內容營運總經理曾志偉公開交代TVB未來音樂頒獎禮的舉辦動向，直言以往的重頭戲《勁歌金曲頒獎典禮》將會減產，變成兩年一屆，並在今年籌備舉辦《大灣區音樂頒獎禮》，曾志偉謂：「即係每隔年就係大灣區、勁歌金曲、大灣區、勁歌金曲，今年就會舉辦《大灣區音樂頒獎禮》。」
記者對於TVB今年會籌備舉辦《大灣區音樂頒獎禮》，擔心會減弱香港歌手的奪獎機會，TVB節目內容營運總經理曾志偉強調香港歌手在大灣區很受歡迎，不怕會沒緣爭獎！ 據透露，是次《大灣區音樂頒獎禮》的安排非常國際化，除了內地的歌手，就連來自東南亞的歌手都可參與，曾志偉指：「內地歌手都會有，我哋嘅榜會有晒所有唔同嘅機構一齊計票數，頒發畀無論係香港、內地定係東南亞（嘅歌手）！」也即代表TVB天后炎明熹有機會同台與東南亞的歌手爭獎。隨後曾志偉表示《大灣區音樂頒獎禮》現時仍處於籌備階段，但預計會於今年八月之後才會舉辦。
巴打表示，四年一次先至夠Grand，好似世界盃咁；另外期待江門古天樂可以入圍，有連登仔質疑「重點係大陸歌手都唔會去你個TVB參加頒獎禮啦」；但係有真心巴打期待大中華網絡紅人「抖音伊」健可以現身TVB 參加「大灣區樂頒獎典禮」 ，定必勁過屯門娜娜參加中年好聲音。
《香港金曲頒獎典禮2021/2022》去年由無綫同港台首次合辦，取代過去無綫《勁歌金曲頒獎典禮》及港台的《十大中文金曲頒獎音樂會》，當時MIRROR因綵排演唱會而缺席，另外有大量歌手不在港無法出席。網民話成個頒獎典禮都有TVB《流行經典50年》的風格，直指仲衰過新城頒獎禮，仲有當紅嘅歌手全部缺席，如林家謙，張敬軒，MC張天賦等等，全部都唔見人影，出席歌手數目應該係有史以嚟頒獎典禮最少的一次！當時仲有鏡頭捕捉到菊梓喬疑似悶到瞓著，同以往港台《十大中文金曲頒獎音樂會》星光熠熠嘅場景截然不同！
文章版權為新傳媒集團所擁有，原文請按： 网页链接
