藝人江嘉敏今日（5日）出席無綫劇集《新四十二章》宣傳，期間獲粉絲送上花束賀元宵，問到晚上是否佳人有約？她表示：「今晚同屋企人食飯，因為有個幾星期冇返去。（咁情人節係咪有人約？）希望公司有多啲嘢畀我做，因為初一返咗工，係一個好開始，我亦覺得應該忙多啲同專注工作，賺多啲錢！」
問到何時再入劇組？嘉敏笑說：「收到唔同嘅監製同一時間叫我減肥，所以依家開始節食，健身室都慢慢開番，鄺潔楹本身有開健身室，佢都畀咗Offer叫我去，依家約緊時間，佢真係好好，拍攝嘅時候佢除咗係一個好好嘅拍檔之外，仲係我嘅營養師同按摩師。」
