陳山聰、劉佩玥、丁子朗、郭柏姸、劉穎鏇、張振朗等一眾演員噚日為新劇《奪命提示》進行拜神儀式，丁子朗同郭柏姸緋聞成為近期熱話，呢日自然成為焦點，佢哋仲親自回應報道。
丁子朗稱在《奪命提示》跟A0女神郭柏妍的感情線較單純，由歡喜冤家漸變情侶。而接受訪問期間，郭柏妍顯得不及平日般自在，被問到有關緋聞時更多次支吾以對，表現尷尬。問到會否有咀戲？丁子朗指劇本還未完成，同時他稱如果監製要求一定照做，認為這是工作之一。郭柏妍亦表示會跟劇本去演，她表示未拍過咀戲，若真的加插咀戲，丁子朗將奪走郭柏妍螢幕初吻，她聞言即時語塞，面露尷尬表情，笑而不語，丁子朗即急急打圓場：「皺晒眉咁！」
丁子朗回應同郭柏妍嘅緋聞時亦口窒窒，佢話：「我見到啲新聞都嚇親，估唔到咁快傳緋聞，覺得有啲愕然！」郭柏妍和應：「我都冇諗過！」主持笑指丁子朗和郭柏妍好合襯，丁子朗話：「外型嚟講呢⋯⋯」郭柏妍解圍：「咁啱擺埋一齊囉！」丁子朗和應：「係呀，都係一男一女咁囉。」郭柏妍笑言：「換咗另一個樣都會好襯㗎！」
文章版權為新傳媒集團所擁有，原文請按： 网页链接
