無綫（TVB）《萬千星輝頒獎典禮2022》早前圓滿結束，當周嘉洛奪得「最受歡迎電視男角色」在台上發表得獎感言時，鏡頭捕捉到胡定欣疑似黑面，而這一幕更隨即在網上瘋傳。日前（14/1）胡定欣出席節目《慈善星輝仁濟夜》，她接受《香港01》訪問時就澄清當時只是「冇表情」，而不是「黑面」。
胡定欣表示：「我哋本身都認識，所以新聞出咗我都第一時間forward畀佢。我真係好戥佢高興，但係我太過聚精會神聽佢講得獎感言，所以嗰刻同隔離拍緊手掌嘅同事相映成趣，都幾好呀，過咗頒獎禮幾日，都仲有新聞去探討吓。」
她又笑言，當時表情並不算嚴肅：「我平時唔少都係咁，哈哈。首先我真係唔係黑面，而係大家覺得我黑面，但係同時間都有好多人覺得我唔係黑面，所以做自己。」
