藝人關楓馨近日參加綜藝節目《不可能任務》挑戰做幕後PA工作，已做了一個月PA的她，經常跟外景拍攝，深深體會做幕後工作辛苦：「係乜都做，要好清楚拍攝流程，藝人要知道乜嘢，要即刻答到。（有冇畀人鬧過？）暫時未有，不過都有甩漏，好似攞道具唔知要攞單。」她自認冇公主病，兼好大力，屋企的搬搬抬抬，向來由爸爸和她負責，平日陪媽咪去街市買餸，都是由她拿餸。
她笑說一向對幕後工作人員很好，現在會更加錫他們：「以後唔會再叫人幫我攞水飲啦！做藝人拍完自己部份就走得，好放鬆，做PA就要跟到尾。」不少藝人近年幕前幕後都兼顧，她認同幕後的知識，對幕前很有幫助，故想學好做PA先，希望能做足101分。
