藝人楊思琦活躍社交網，近日她網晒卸妝影片，並留言：「容易受傷的女人。」片中她將化妝棉敷在左眼眼肚上，卸去化妝品後驚現超大瘀傷，又紅又腫相當嚇人，她更揚言傷勢險影響視力：「嚇親呀，睇住唔好眨眼呀。嘩！呀！我唔係化妝呀，我受傷呀，好彩喺呢個位（指着眼肚位置），高啲都睇唔到嘢。幾日先會好番呀？好嚴重呀」。網民即大表擔心，又提她碌雞蛋，祝早日康復。
據知原來她正身處江蘇拍攝新戲，期間發生意外，內地演員疑太過投入，道具手槍不慎撞到其眼部，傷及眼角和眼肚，爭一毫米就出事傷及眼球險盲，令她即時痛到標晒眼水，直呼痛楚由眼球延伸至眼尾，但她稍作冰敷堅持繼續拍攝，相當專業。
