51歲的江美儀，憑劇集《下流上車族》成為《萬千星輝頒獎典禮2022》「最佳女主角」黑馬。早前她接受陳圖安電台訪問時，自嘲亞視出身的藝員被外界看成是低人等，慘過地底泥，09年滿約離開亞視時手停口停時，幸得前夫吳君祥家姐吳君如出手相助，私下約無綫高層樂小組飲茶才獲簽約無綫，江美儀低調地由低做起，花了13年時間升呢在望的她，坦承曾被雪藏。
江美儀早前接受好友陳圖安主持的電台節目《安哥同學會》訪問，談到09年約滿離開亞視後，有一段日子沒有工開，江美儀指自己曾一度懷疑人生:「（離開咗）ATV又冇野做，又冇人揾你，你知呢行好得意，首先我哋亞洲電視藝員已經係次一等，唔知點解？啲人價值觀覺得亞視啲人係低人一等，低人一等都無野做，係咪真係慘過地底泥。」
最後好彩有前夫家姐吳君如幫手，江美儀才有工開：「後尾要多謝吳君如，當時君如喺無線有個節目叫《星星同學會》，有兩輯，第一輯揾完君如，到第二輯都想揾君如做，當時君如好好，嗰時我同佢細佬(吳君祥)拍緊拖，佢亦都知道我情況，佢又覺得我又唔係差，其實應該可以有好多嘢做。當日佢約咗我、樂小姐三個人飲茶，君如就同樂小姐講『你哋都唔係唔要人，睇下有咩可以畀佢做。』所以我入到TVB係因為君如。」其實江美儀和吳君如關係匪淺，因她於06年嫁入吳家，直到2016年才和吳君祥離婚，所以當年吳君如是出手相助弟婦。
09年加入無綫大台後，江美儀極度低調，到有新劇集開鏡時才被傳媒發現她已過檔：「我想自己由低做起，唔好話自己喺亞視有咩地位，去到人哋新公司，就要由低做起，況且人哋又唔係畀啲好差角色你做，都唔係由茄喱啡開始，咪慢慢做。」江美儀加入無綫後一直努力耕耘，去到13年憑着《衝上雲霄II》奪得女配角獎，她笑說:「嗰年我係同田蕊妮一齊攞獎，佢攞女主角，我就攞女配角。」
節目中主持陳圖安大讚江美儀在無論在《街市遊樂團》或《下流上車族》都表現出色，但江美儀卻自爆接拍《街市遊樂團》的主要原因，是因為被劇組封殺，她說：「《親親我好媽》係我第一次喺TVB做女主角，樣樣都好緊張，好想做好件事，可能過程中太過自我，好想人哋配合我去完成一件事，覺得自己拍攝時有負能量，變相太多傳言、我到《街市遊樂團》先有返嘢做做，當時所有drama都停晒、無得做。」
當年江美儀拍《親》時，曾傳出她因為不滿劇本，趁戲劇製作總監曾勵珍放大假時，單人匹馬向當時仍是助理總經理的杜之克，越級投訴珍姐下屬兼親戚關永忠，最後導致該劇停廠外，亦令為無綫效力30年的監製關永忠執包袱走人，有傳此舉令珍姐盛怒，更將江美儀雪藏，就算之後拍《同盟》都只能演配角。
江美儀現在憑劇集《下流上車族》角逐《萬千星輝頒獎典禮2022》「最佳女主角」、「最受歡迎電視女角色」及「最受歡迎電視搭檔」三個獎項，今年已經不是江美儀首度提名，不過呼聲郤是最高的一次，她由低做起花了13年時間，未知升LV.會否成功，不過她在節目中就笑言：「一定要畀你㗎！做咗咁多年都知道遊戲規則……」
文章版權為新傳媒集團所擁有，原文請按： 网页链接
