蔣祖曼首次孭飛「女一」的無綫劇集《輕．功》就要與「視帝」黎耀祥合作，雖然祥哥出名友善，但演對手自然有壓力。劇中霸道要鬧爆「老竇」祥哥，更加壓力重重，她說：「導演要求我霸道啲，都用咗一段時間適應，頭幾場拍要鬧祥哥，真係驚架，佢好nice ，但開頭未熟絡，自己都有啲縮縮哋，祥哥都有叫我加強啲，仔女、父母真係咁嘅。」
雖然入行已經21年，但她亦不忘向祥哥偷師，她說：「最深印象唔係同場演出，因為睇唔到，反而係留喺度睇祥哥拍戲，見到佢演戲有唔同轉變，不斷去轉換、調整，一路去試到最好。」至於劇集拍攝時最困難的地方是喊戲連場，她說：「入行咁耐可能只係拍過5次喊戲，自己都唔易喊，拍攝時係咁問佢哋點喊，慢慢就愈拍愈順。」
