無綫劇集《輕功》以武師作為主幹，當中大打溫情牌，吸引不少觀眾收看。在劇中，洪翊風（朱敏瀚 飾）與女友Chole（簡淑兒 飾）的關係有點複雜，兩人分手後，但Chole卻聲稱兒子的親生爸爸是洪翊風。
朱敏瀚在IG出po，貼出與劇中兒子的合照，兩人眼大大，BB儼如父子一樣，他留言道：「呢粒B會唔會太可愛，我感覺到有股父愛好澎湃咁湧出來。無論阿B係唔係阿風親生，阿風都養硬佢，你哋又覺得阿B係唔係阿風嘅親生呢？」朱敏瀚更在限時動態出po，將自己的BB相和劇中兒子的相併起來，問道：「個個都話似我，同我細個又似唔似？」朱晨麗留言：「實在似，要驗DNA。」
擁有10年拍劇經驗的朱敏瀚，在《TVB 娛樂新聞台》獨家訪問中，他表示首次飾演爸爸角色，是令他最難忘的，「係我人生第一次抱住3個月大嘅BB，完咗廠之後，我都好唔捨得佢，由我第一日抱起佢，佢就喊，到我識得點樣抱起佢，由佢喊氹到佢笑，好似學做一個新手爸爸，而家一講起，我都好掛住個BB。」說起來，他不禁甜笑起來。
