李施嬅、陳煒、張曦雯以及陳瀅等日前為TVB拍攝《萬千星輝頒獎典禮2022》場刊照，已離開TVB的李施嬅憑《金宵大廈2》入圍視后10強，她指自己要錫住身體，所以完全冇諗獎項：「我之前拍《金宵2》拍到頭痛，因為壓力好大，仲令我免疫力唔好，所以我唔會諗（攞獎），而家身體行先，其他嘢都順其自然，祝福所有入圍視后。」
陳瀅憑劇集《痞子殿下》成視后十強之一，她指能跟前輩在同一獎項出現已大感榮幸：「能夠同煒哥（陳煒）、鮑姐（鮑起靜）以及美儀姐（江美儀）一齊入圍，已經覺得自己上咗一個Level。」
陳煒被問到憑今年年中已播映的《回歸》爭視后，會否感到很輸蝕？她笑言：「所以而家要不斷提番大家嘅記憶，同埋都要對自己有信心嘅。」張曦雯、劉佩玥不約而同指自己沒想過自己會奪得視后，曦雯更笑言睇好老友唐詩詠，因對方於劇集《超能使者》表現出色。
