近日KOL界是非不斷，不少KOL都互爆業內秘密，其中有一名KOL聲稱自己有大量KOL的秘密，在社交平台舉行你問我答，大爆Coffee林芊妤根本「未從良」之外，又暗指Coffee婚後依然有出席富豪飯局，搞到一向真性情的Coffee以千字文反擊無理的指控！Coffee更加碼自爆入行時曾數過一兩個淫媒電話，之後她立即封鎖可疑來電！
Coffee被KOL暗指曾出席富豪飯局，她認為現今女性可以自食其力不靠男人，Coffee老公亦不明白己已婚女士為何還會被邀請出席飯局，她亦自爆入行時曾收過一至兩個淫媒的電話，之後她立即封鎖可疑來電，證明自己不是隨便的人！
最近KOL界是非不斷，其中有一位聲稱自己有大量秘密的KOL，在社交平台舉行你問我答環節。不少網民都有問到有關Coffee的秘密，其中一位問到：「Coffee從良之後係咪無嘢聽喇？」該位KOL回覆道：「咩叫從良後，有野聽啦緊係。」之後當網民問到有哪位最紅的KOL有份去富豪飯局的時候，該名KOL則用咖啡的emoji回應，令網民都認為他是在暗示Coffee在婚後有份參加相關飯局！
由於該名KOL聲稱有大量黑材料，不少網民留言追問陳靜、吳若希、陳詩欣和蔡嘉欣等是否曾出席飯局？該名KOL曾指吳若希老公並非傳聞般有錢，引發網民的八卦心態。
有網民將該名KOL在網上的言論轉告Coffee，Coffee馬上在社交平台發千字文火爆反擊！她表示：「一句說話就抺煞我咁多年嘅努力，嬲到個人醒晒」又指自己好忙顧家庭及打理生意，要澄清呢啲流言「相信呢個世界有報應」，又揚言出律師信告佢誹謗。Coffee亦有在其粉絲TG群組回應此事，但就收回出律師信的決定，因為「我咁樣只會幫緊佢，依家我followers係咁升，我唔可以再幫佢」，又話「如果呢度有任何人懷疑我嘅人格，請你退出我群組」，雖然彈弓手唔再出律師信，但Coffee今次真係大動肝火，去旅行的心情都被影響。
今次KOL的「爆料事件」令當年Coffee的「殘廁Gathering 」舊事被翻炒。2014年Coffee曾爆出「殘廁Gathering 」事件令在無綫六年來寂寂無聞的Coffee一夜成名。雖然被無綫炒魷，卻並未打沉Coffee意志，近年轉型做瑜伽導師，現在成為香港數一數二的瑜伽KOL。
Coffee重陽節帶同兒子上山拜祭先人，其後在IG社交平台上分享照片，卻惹來網民批評，事關Coffee當日穿上貼身瑜伽褲去相關場合，同時身形優點亦盡被表現，後來就成為網民圍攻對象，更揶揄她：「拜山都著瑜伽褲」、「驚死人唔認得佢」、亦有網民揶揄「仙人都會睇得好開心」、「死人要睇，生人都要睇」。
Coffee過往都是「炮仗頸」，對於一眾抨擊都忍唔住出聲反擊，她解釋當日由柴灣行到山頂凌霄閣，都係做緊運動，更行到身水身汗，反問網民：「咁我想問著運動衫係有乜嘢問題？總好過我著到登台咁去拜山啦係咪？同埋我之後都係去郊外風箏場野餐同放風箏，全日都係運動日」、「我唔著瑜伽褲，唔通我著條裙去會合理啲？」。
後來Coffee更覺得要將事情付諸行動，更特意出一個post討論關於瑜伽褲問題，內文如下： 我有嘢講 係香港女仔著leggings 輿論一直冇減退過 好與壞各執一詞 某部份人更加將‘女仔着瑜伽褲’貼上壞標籤 但我唔明白點解着自己鍾意嘅衣著出街 都要俾人討論？ 如果你覺得我哋着得唔靚又貼身又肥又露 難道我哋又一定覺得你嘅衣着好好睇？ 我想講喺呢個世界上需要討好既人就只有自己 自己鍾意着咩出街唔到其他人理（只要合法） 既然點著都會被標籤既話 我著我嘅事，由我自己標籤 我決定嚟一個 ‘30days of leggings’ 無論食飯行街去Event去買餸 任何諗得出嘅場合都着leggings(情況許可既話） 我要話俾所有人聽我鍾意着咩衫係我話事 唔係你 歡迎大家呢30日 每日都去我嘅IG Story highlight 睇我着唔同既瑜伽褲出街 （如果夠瑜伽褲嘅話） 我要為所有鐘意著瑜伽褲出街嘅女仔出返啖氣（包括我） #本來我性格比較隨和 #但連我都忍唔住要出聲啦 #互相尊重
在Coffee大膽講出意見之後，開始有網民尊重coffee意見，更支持Coffee的行動。而「儒家褲」KOL東方昇這時都在自己的社交媒體力撐：「儒家思想其中一個核心價值就係孝，著儒家褲有咩問題！！！」首日挑戰Coffee則穿著瑜伽褲接放學，更有唔少女性響應挑戰，一同穿著瑜伽褲出街。
文章版權為新傳媒集團所擁有，原文請按： 网页链接
