台慶劇《超能使者》在11月21日播出…

台慶劇《超能使者》在11月21日播出的一集講到精神病獲治好的阿鏈(陳展鵬飾),終於記起家中巨變事實,生無可戀的他一度自我放棄露宿橋底,其間遭魚蛋仔(唐嘉麟飾)等人拳打腳踢兼逼食「地下飯」。

今天(23日)一集中,劇集監製文偉鴻便在IG率先爆料,講到陳展鵬與唐詩詠感情將再昇華,二人更有床戲,令不少網友留言寫道希望快點能看到這一幕。

不忍陳展鵬阿鏈被霸凌侮辱的「超能使者」趕及營救,惟阿鏈屢勸不聽,繼續將地上的飯大啖大啖扒入口,更爆Seed認廢人:「我係賤底泥,我鍾意食地上啲飯得唔得吖?我求吓你哋走啦,我唔想見到你哋呀!走呀!」最終還捱了Q姨(唐詩詠飾)狠狠一巴,令不少網民大嗌心悒。

過去兩集陳展鵬將各種情緒發揮得淋漓盡致,對於演技再獲觀眾肯定,他表示好開心:「好感恩大家陪住我成長,亦畀好多唔同意見、方向我調整,有句說話『真正朋友應該講真正說話』,要進步就一定要接受批評,而觀眾就好似家人咁督促我成長。」

為求逼真,陳展鵬指該幕一身邋遢造型是「就地取材」,就是當場將戲服掉落地再捽污糟,又謂「趴地扒飯」NG了三、四次才收貨:「最難過係第一Take,因為我未克服到仲係忌住忌住咁,所以表情唔得。」他指被摑戲是一Take過完成,並謂事前刻意要求唐詩詠出盡全力打:「畀佢打完我都有啲暈暈哋,成個人freeze咗,因為真係食得好應,嗰日返到屋企都見到牙骹位爆咗少少微絲血管。」

文章版權為新傳媒集團所擁有,原文請按: 网页链接



Leave a Reply

Your email address will not be published.