薛家燕、楊政龍、楊玳詩及林建岳等…

薛家燕、楊政龍、楊玳詩及林建岳等,今日到灣仔出席「香港潮州節」開幕儀式。家燕姐的媽媽是潮州人,她指自己曾在1979年到潮州採訪,當時媽媽亦有一起前往:「我哋去汕頭市拍嘢,睇我哋拍嘢嘅都有2萬幾人,要搵公安維持秩序。」問到家燕姐是否潮州之光,她謙虛地說不是。另外,很久沒回潮州的她,希望疫情能盡快過去及可快點通關,這樣她就可以回鄉探親。

提到最近有監警會委員批評港姐泳裝環節「少布到不得了」,家燕姐聽後反問對方是否有看世界各地的選美比賽,更謂:「選美唔只睇樣貌,體形都好重要,點show你嘅體形?好似我件衫咁點睇?當然要着泳衣,呢個係觀點同角度嘅問題,人哋審美喺一個正常嘅角度去睇,你就唔好諗歪嗰方面,我覺得係咁。」另外,問到蕭芳芳現時的狀況,家燕姐指對方的心情應該沒問題,又透露因沈芝華回港,故之後會相約大家一起食飯。

Leave a Reply

Your email address will not be published.