羅家英與老婆汪明荃於1988年首度合作演粵劇…

羅家英與老婆汪明荃於1988年首度合作演粵劇,二人翌年正式拍拖,並在2009年簽紙結婚,相知相愛長達33年。

日前,ATV的抖音帳號更「出土」多條陳年訪問片段,當中包括家英哥接受主持周梁淑怡訪問,其間被問到感情事,問他與阿姐究竟由誰主動追求。

家英哥在訪問中,最初不太願意講追求話題,最終在周梁淑怡多番追問下,家英哥才稍為透露:「阿姐係有錢、又靚、又有地位、又有名譽,我只係做大戲,雖然我有少少錢、少少名譽、少少地位、亦都生得唔錯,但大家都係格格不入。佢個種高度,如果佢唔低少少我點攀上去,要互相你就下我就下佢,如果佢唔暗示唔應承,唔俾機會嘅話,我想追都追唔到啦。」

主持即食住上追問是否由阿姐做主動、畀暗示?家英哥說:「主動好似係佢,佢問我鍾唔鍾意佢,呢句唔係。咁佢佢第一晚、做完一套戲,第一次同佢合作,嗰套叫《穆桂英大戰洪州》,佢嗰日生日,咁好開心,佢走過嚟着紅色褸,包住個頭,攬住錫咗我一啖,話好多謝我,咁就開始囉。」家英哥一邊講一邊甜笑,睇得出好幸福。



Leave a Reply

Your email address will not be published.