「Chef Lemon」謝霆鋒係圈中公認嘅…

「Chef Lemon」謝霆鋒係圈中公認嘅廚神兼食神,呢日佢繼續喺社交網分享覓食片,今次出動食韓燒。話就話食燒肉,但有霆鋒喺度,又點止普通燒肉咁簡單,佢不但搵嚟其主理節目《鋒味》嘅環球美食對決賽冠軍高丹藝擔任大廚,為佢效勞幫手燒肉,佢更親自露兩手,親授燒五花肉、雞軟骨等不同肉類嘅獨門秘方,仲大玩韓國地道嘅「手搖飯盒」食法,夠晒過癮!雖然霆鋒食神地位毋庸置疑,不過佢就自爆有位前輩先係「真‧食神」,連佢都甘拜下風,講緊嘅就係洪金寶!原來佢同對方合作內地劇集《詠春》時,曾獲對方親自炮製冷麵,至今仍回味無窮:「最深刻有一次拍《詠春》,洪金寶老師煮給我吃的,就是外面特別熱,自己煮了一個湯底,然後用綠豆麵,給我盛了一碗麵,之後抓了一把冰塊丟上去,那一碗冷麵,他當時就是我的食神。」




Leave a Reply

Your email address will not be published.