藝人高海寧(高Ling)與張振朗今日(27日)…

藝人高海寧(高Ling)與張振朗今日(27日)出席無綫新劇《童時愛上你》宣傳活動,之前在大陸逗留5個多月的高Ling剛隔離完出關,她透露不用再返回內地工作,可以留港宣傳及休息:「好期待套劇播出,當時拍得好開心,自己好投入個角色,睇番宣傳片發現自己都演得好放,宣傳片出街後大家反應都好好。(劇中有冇性感演出?)有,講我得番8歲智商後,有一幕我沖完涼唔識除bra,後來冇戴bra着住件白Tee就走出嚟,嚇親張振朗,不過事實上我當然有打底啦!」

今次是2人首度合作,高Ling爆振朗會私下度對白及爆肚,笑言自己接招似考試一樣,振朗解釋:「我鍾意度一兩句好台感人嘅對白,喺重要場口先講出嚟,對方先有真實反應,呢個係演唔到,令成件事更好。」高Ling亦補充振朗的爆肚令她有更好發揮,聽到突如其來的感人對白,眼淚會自然流出來。振朗開心大家首次合作就有如此大火花。問到2人在劇中有否親熱戲,高Ling自言劇中只有8歲智商,是很純潔的愛,振朗笑言:「我唔搞𡃁妹!」
另外,講到高Ling跟無綫的合約問題,她表示仍跟公司洽談中:「好多嘢可以合作得更好,公司好有誠意,而且一直以來合作得好開心。(續約成數高唔高? )傾吓條件。(加薪?)公司有。(想有獎項?)我咁耐以來一個獎都冇,好明顯我冇做過(換獎)呢件事,攞獎係睇天時地利人和,角色獲觀眾認可重要啲。」她強調跟公司合約未滿,並一直有洽談,問到有指她有意主力開拓內地內場,她說:「有機會打開另一個市場唔係壞事,可以試吓多啲新製作,而且今次喺內地拍綜藝節目學到好多嘢。(有冇其他公司向你招手?)事關我嘅前途我要諗清楚,因為都係面對自己人生交叉點。」至於感情事就順其自然。




Leave a Reply

Your email address will not be published.