《十八年後的終極告白2.0》…

《十八年後的終極告白2.0》昨晚播出關鍵性的一集,繼多個疑兇先後被殺後,Angus(譚俊彥飾)發現好友Jason(陳山聰飾)有易服癖的喜好,同時揭發他正是殺死自己妻子Queenie(譚凱琪飾)的兇手……陳山聰男扮女的嬌艷造型終於曝光,他在社交平台分享花絮照片,原來他跟譚俊彥激吻的一幕遭剪走,大感可惜。

《十八年後的終極告白2.0》還有兩集就大結局,兇手早在第18集出現。不少觀眾都想像不到,齊齊遊花園。原來看更落口供時,形容的「女裝」、「女性」正是易服後的Jason!他殺人如麻,承認殺死Queenie、太太Joyce(趙希洛飾)、情夫徐友齊(何啟南飾)及其司機;同時他手上竟然握有Angus推沈越(龔嘉欣飾)弟弟吳天藍(邵展鵬飾)落山坡的證據,於是強迫Angus「封口」。

還有兩集,劇情還未交代Jason為何會易服,而阮兒、林子超和曹永廉所扮演的4個角色到底點解要死?而Jason在酒店準備易服時,傳來按門鐘聲,他開門見到的又係邊個呢?

陳山聰、趙希洛昨晚IG直播,同劇迷互動,前者坦言由收到劇本一刻,到前一晚一直保密「易服橋段」,忍得非常辛苦,他說:「當知道監製(王偉仁)安排我演易服男,第一時間唔係抗拒,反而係覺得一係就唔玩,陳山聰易服一定要靚!唔可以肉酸嘅!過往TVB好多易服角色,好多都唔靚,我搵我個仔嘅契媽,一位著名化妝師幫我去設計,我要做到成個韓國女仔咁!要大家接受陳山聰成為一個女性、一個易服癖嘅人,唔係容易嘅事,我盡量做到唔好咁噁心啦!」

陳山聰透露今次尾幾集的劇本只有他、趙希洛、譚俊彥和龔嘉欣收到,其他演員不知道劇情發展,就算要化妝演女人時,他都沒有用公家的化妝間,監製特別安排了房間讓他化妝,以免「穿橋」。陳山聰解釋:「角色有易服癖行為,變女人時叫做Sophia,但係Jason唔係鍾意男人嘅,佢係鍾意扮女人,我知道呢個世界係有呢啲人,唔好歧視,我了解過佢哋心路歷程,只係覺得男仔滿足唔到嗰種對靚嘅追求,所以想試吓!」陳山聰太太Apple都有追問到底Jason是否愛Joyce,他解釋:「其實Jason係鍾意Joyce,就算殺佢,佢臨死一刻,眼淚都係真!Jason係有多重人格。」

陳山聰指拍攝時不少工作人員忍受他的脾氣,因為扮女人的關係,他想再瘦、再乾身一點,所以每天只是飲由雞胸和蕃薯磨成的果汁充肌。提到IG入面跟譚俊彥激吻一幕,他說:「剪走咗!可能尺度問題,呢個我都明白……最激還未出現,大結局仲有激啲嘅!」


Leave a Reply

Your email address will not be published.