歌手AGA (江海迦)昨晚(28日)…

歌手AGA (江海迦)昨晚(28日)出席慈善騷,獻唱陳慧嫻金曲。早前有傳她與「環球一姐」Gin Lee (李幸倪)將於約滿後離開環球,最終環球亦發聲明證實Gin Lee將會離巢,問到AGA是否榮升一姐,她謙稱自己每年都是新人,她說:「依家有好多計劃,需要好多時間去進步,好希望自己嘅創作可以對樂壇有貢獻。(傳離開環球係咪有去意?)好得意,煮煮吓飯睇到新聞先知,覺得點解咁樣嘅?其實係差唔多約滿,公司一直洽談緊,進度良好,嗰啲謠言嚟嘅。」

問到有否考慮到其他公司發展,她稱只有考慮過要放假回澳洲探望家人,她續説:「呢間公司發掘我出嚟,一直合作緊。(其他公司向你招手?)約方面不嬲係監製舒文處理,依家我除咗想做新碟,亦好想還返個騷畀歌迷。(係咪出年?)暫時預計係不過都係唔講住,希望有好消息同大家公布。(怕小器?)唔好再問啦,哈哈。」她表示雖然演唱會前後已取消了3次,但她絕不氣餒,定會辦一個精彩騷回饋歌迷。對於Gin Lee和陳慧嫻離開環球一事,AGA坦言非常震撼,指入行後慧嫻一直給予她很大幫助與支持,希望將來能再有機會合作。


Leave a Reply

Your email address will not be published.