視帝馬德鐘入行29年,拍過無數戲種…

視帝馬德鐘入行29年,拍過無數戲種,不料今次拍喜劇《雙生陌生人》,竟是最辛苦的一次,比起《飛虎》更甚,他說:「今次花腦力、花精神,『高收成』要着西裝,三件頭西裝同古裝都差唔遠,『巫祺男』就日日喺農莊拍,裏面40幾度好焗,有日我中暑,頭痛到好似爆開,不過辛苦過後,都係好甜,係好好嘅經歷。」

一人分飾兩角,負擔也是雙倍,馬德鐘稱拍攝前已足功課,可是有一場戲在剪片時卻發現着錯衫,連導演、助導也走漏眼,最後要重拍,慶幸只錯了一次。由於兩個角色交替拍攝,馬德鐘每天也要轉換髮型,估計拍了100天計算,總共洗頭400次,他說:「監製有安排專人幫我洗,但有時夜晚髮型屋閂門,惟有叫副導喺側邊攞支水幫我淋,喺坑渠邊洗頭,打燈當吹頭。」他表示拍完之後患了「失憶症」,很多細節都記不起,估計是太過用腦和休息時間不足所致,放鬆後令記憶變得好模糊。雖然此劇令他燒盡腦汁,但不減他對喜劇的熱衷:「紀律部隊畀第二啲人做,我做搞笑啦!我開心拍喜劇,帶到歡樂畀觀眾。」真的名副其實「劈炮」不再演紀律部隊?他笑稱:「要做都手到拿來嘅!唔好框住形象。」 

他很感謝同劇演員對他體諒,讓他能爭取時間休息,他並特別提袁鎮業,原來當兩個馬德鐘同場做戲時,袁鎮業便要做其中一個的替身,馬德鐘說:「袁鎮業花好多時間,背晒兩個角色嘅劇本,又要花時間等,但佢從來一句怨言都冇,好樂觀,好努力。」






Leave a Reply

Your email address will not be published.