藝人郭少芸近年轉戰內地…

藝人郭少芸近年轉戰內地,去年正式開始做直播主,帶貨狂賺人仔賺到盆滿缽滿,更成功於大灣區置業,發展非常順利。近日就係佢進軍直播界一周年嘅大日子,圈中多位好友即拍片送上祝賀,當中包括視帝歐陽震華、黎耀祥,以及視后佘詩曼,就連無綫總經理曾志偉都有份,認真有面子!其中曾志偉笑言:「恭祝你永遠都咁多粉絲,個個都鍾意你,永遠都嫁唔出!」隨後即改口:「唔係,係快啲嫁得出,直播間嘅人數愈來愈多!」相當搞笑。
而郭少芸除繼續直播慶祝一周年大日子外,又拍片分享過往一年做直播嘅心路歷程,坦言為咗帶貨瘋狂學普通話及通宵了解產品資料,佢表示:「我沒有想過會有一個工作比拍戲更辛苦,但我做了直播之後,每一天打開手機,都有99+的信息,每一個群都在找我,我還要去選品、定品、談機制,怎麼會不辛苦,但我一想到我的粉絲可以用更少的錢去買到好的東西,而且我們大家分享到更好的生活方式,我就覺得一切都是值得的。」




Leave a Reply

Your email address will not be published.