去年,麥玲玲贈送了富貴竹給薛家燕…

去年,麥玲玲贈送了富貴竹給薛家燕,整年都好旺兼順順利利、平平安安,所以今年家燕姐想保持旺氣,於是再請玲玲師傅為她揀靚富貴竹。

早前,家燕姐同玲玲師傅到花墟拍攝《新春開運王》外景時,家燕姐順道買番一打富貴竹看門口,玲玲師傅帶她去幫襯開嘅花店,揀選又長又翠綠嘅富貴竹,玲玲師傅仲教大家揀富貴竹小貼士:「揀富貴竹最緊要睇有冇根,有根先靚,擺成年都可以。」

當日,早上10時,家燕姐與兩位主持周志康和宋宛穎及麥玲玲師傅嚟到花墟拍外景,玲玲師傅指,不用的花、不同的盆栽、不同的植物,擺在不同的地方,對運勢都各有幫助。

家燕續指:「本來係想玲玲師傅帶我去花店買富貴竹,上年佢送咗啲富貴竹俾我,擺咗成年都好靚,所以今次想玲玲師傅幫我揀,我可擺喺屋企同公司,點知玲玲師傅好客氣,又送富貴竹俾我,我就送咗盆蘭花俾佢,點知臨走時,花店個老闆又送咗一盆蘭花俾我,一盆俾玲玲師傅。」

家燕姐除買富貴竹外,亦買一大串嘅五代同堂,玲玲師傅提醒家燕姐:「五代同堂要擺放高處,可以放喺門邊附近,Mani嗰時買咗,抬一支返屋企就添咗丁……我每次同家燕姐拍嘢都好開心,佢帶咗好多歡樂俾我哋。」

Leave a Reply

Your email address will not be published.