藝人陳展鵬、黃智雯日前於西貢為無綫新劇…

藝人陳展鵬、黃智雯日前於西貢為無綫新劇《隱門》拍攝,二人劇中關係微妙,智雯更以「解藥」來形容展鵬,可見地位相當重要,智雯指劇中的角色受盡生活逼迫,每逢遇到問題,都會找他傾訴。問到拍攝期間情緒長期處於緊繃狀態,會否對她的正常生活有影響時,智雯坦言:「都有啲,所以有時拍完返到屋企,我都唔會即刻瞓覺,坐最少半個鐘先去沖涼,等自己沉澱吓先!」

而當日化了一個「鬼裝」的黃子恆戴上有色隱形眼鏡及化了白面妝,原來今次他的角色相當特別,專出來嚇智雯,搞到她精神錯亂,更有情緒病,智雯謂:「戲入面我成日突然間見到佢,一陣喺側邊彈出嚟,一陣又喺天花板。(你本身怕唔怕鬼?)我本身冇乜特別靈異經歷,以前做空姐時都聽過好多故事,不過我都算大膽,出Trip唔怕自己一間房。」而子恆曾於《降魔的2.0》及《乘勝狙擊》分別跟智雯及展鵬合作,笑言今次是久別重逢,問他戴住有色隱形眼鏡拍攝會否感到不適時,他說:「唔緊要,公司好好,搵咗啲質素最好嘅Con畀我, 監製想個感覺驚嚇啲,每次出場都好似驚慄片咁。」

拍攝期間,正享受家庭樂的徐榮與囡囡「包包」路過,更跟展鵬、智雯打招呼,展鵬謂:「見到一家人咁樣真係好開心,自己成日要開工唔得閒,所以一有時間都會陪住個女,依家心態唔同咗,唔只係掛住搵錢,有生活質素同品味,之前見到偶像郭富城做跨年騷帶埋老婆、囡囡一齊到場,成件事昇華咗。就好似我哋做演員咁,唔係一味拍啲跳樓、掟人落街就係最好睇,劇情都要有啲訊息、養份,有時小品形式嘅劇集仲有質素、仲正。」











Leave a Reply

Your email address will not be published. Required fields are marked *