無綫小生張振朗為台慶劇《拳王》…

無綫小生張振朗為台慶劇《拳王》博到盡，花一年喪操出「筋肉人」爆肌Body，成功捱出頭，強勢進身台慶頒獎禮中嘅「最佳男主角」5強，隨時有望首登視帝寶座。難得操出8舊腹肌，當然要影低留念啦，呢日佢就喺社交網大晒黑白爆肌寫真，為爭視造勢！相中見佢胸肌、腹肌舊舊分明，而且手臂至腹部位置都布滿青筋，簡直係「力的表現」，男人味盡露！佢留言表示：「其實男人好簡單，就係想七老八十嘅時候，可以畀到一張相個孫睇，好自豪咁講你睇吓當年阿爺幾fit，我得左啦，仲要唔止一張。」