青春本我 今晚8點半,

由一班《聲夢傳奇》學員擔任主演的TVB新劇《青春本我》今晚(5日)首播,劇中角色由炎明熹(Gigi)、姚焯菲(Chantel)、鍾柔美、詹天文、張馳豪、冼靖峰、何晉樂等人飾演,早前TVB於社交網公布一系列劇照,入面有炎明熹拍喊戲時嘅相片,淚珠大滴大滴咁流出,真係睇到心都實晒,導演李敏就話:「佢真係喊到下巴都震晒架!」

除咗一班年輕演員,都有一班資深演員參漬,喺劇中飾演炎明熹父母的陳煒與姜皓文(黑仔),就喺社交網上載「一家人」合照為「女兒」打氣,炎明熹於相中瞓着咗,未知係太累定係劇情需要,而陳煒就留言:「#青春本我 今晚8點半,#支持GiGi#乖巧懂事嘅女兒#唱歌實在太好聽#同黑哥再續前緣」。
導演李敏透露正式開拍前,專誠抽空與每位演員獨立會面,為他們度身打造角色:「新人最好係做番自己;我哋另外亦有根據佢哋角色性格,個別設計唔同嘅心理狀況畀佢哋。」李敏續指「女子組」角色需要處理較多喊戲,當中Gigi及Venus的喊戲帶給她一定程度驚喜:「Gigi除咗第一次喊得比較混亂,因為佢耷低咗個頭喊,所以拍到嘅鏡頭好少!之後大家明白原來Gigi只要一聽到音樂就會喊,所以我哋每次都有準備音樂,同埋知道佢第一、二個Take就會喊盡,所以我哋拍佢嘅喊戲要一嚟就嚟,佢真係喊到下巴都震晒㗎!」

說到劇中同學仔,李敏笑言由於17人當中,有15.5名完全沒有演戲經驗,甚至連半句對白也沒說過,加上拍攝時間緊絀,故有修讀心理輔導的李導演,開拍前亦難免有心理壓力;為了令整件事更順暢,她特意開夜車為眾新人撰寫一份名為「演技雞精班」的備忘,為他們解說「排練的6個階段」、「說對白六件要注意的事」、「需要明白的6個層次」、「關於鏡頭的6件事」以及「常犯的6個錯誤」等。











Leave a Reply

Your email address will not be published. Required fields are marked *