藝人姚嘉妮今日(5日)…

藝人姚嘉妮今日(5日)出席無綫劇集《十月初五的月光》宣傳,對於劇中飾演萬珠莎華被讚演出不俗,她表示近日收到很多鼓勵說話,心情不懂形容,不諱言該經典角色很多人討論,故演繹時有種無形壓力,幸播出後獲觀眾接受,令其鬆一口氣。
談到網民睇好她成為頒獎禮「最佳女配」,姚嘉妮也恨獎恨到出口:「有就梗係好,唔拘呀!都知道好難,今年好多候選女配角都好好,所以我都有拉票,唔知拉唔拉得夠,屋企人都有幫手拉,雖然未必得獎,但好過係零票,我當依家拎咗獎,開心咗先,唔好浪費時間。」更指曾擔心角色乞人憎,出街會被人鬧,幸好疫情關係口罩不離身,未有被認出,還預告下周劇情更衰:「我會去捉姦。(咁有冇床戲?)冇,因為監製嫌我心口唔夠肉,所以唔畀床戲我。」


Leave a Reply

Your email address will not be published. Required fields are marked *