無綫花旦林夏薇今年先於《逆天奇案》…

無綫花旦林夏薇今年先於《逆天奇案》表現亮眼獲封「國民女友」,再喺《七公主》憑露股一幕引起全城熱話,獲網民力撐成為視后大熱。唔單止有觀眾支持,圈中人亦幫手谷票,除咗有堂哥林峯外,呢日台灣女星陳妍希老公、內地男星陳曉,亦親自於社交網發文拉票:「支持顧語嫣(林夏薇於《七公主》中的角色)!」不過唔少陳曉嘅粉絲就錯重點,投訴佢好耐都冇甫新相,仲講笑話1張相換1張票!
其實陳曉與林夏薇係中央戲劇學院嘅舊同學兼老友,就算畢業多年長期分隔兩地,但感情依然不變,早前《七公主》開播時,陳曉已引用林夏薇喺《十二傳說》嘅對白幫手宣傳,而林夏薇亦大爆陳曉係TVB劇迷:「他真的是TVB鐵粉!從大學的時候,我們上學時,他就一直在追TVB的劇。我真的非常感謝他,因為我們私底下也會討論劇情,我沒想到他真的是會一集不漏地追,比如說我有哪一場做得好,或是不足的地方,他也會給我一些意見。」




Leave a Reply

Your email address will not be published. Required fields are marked *