歌手胡鴻鈞、何依婷、羅天宇及姚嘉…

歌手胡鴻鈞、何依婷、羅天宇及姚嘉妮等現身無綫台慶劇《十月初五的月光》宣傳,該劇於下月舉行的《萬千星輝頒獎典禮2021》獲27項提名,一眾演員把握時機拉票,胡鴻鈞更即席獻唱主題曲《祝君好》。
對於與依婷同獲提名「最佳男、女主角」、「最受歡迎電視男、女角色」、「飛躍進步男、女藝員」及「最受歡迎電視拍檔」,他更入圍「最受歡迎電視歌曲」,依婷則角逐「最佳女配角」,胡鴻鈞即踢爆指依婷曾揚言若果屆時能踏上頒獎台,定必瘋狂多謝他,依婷對此說:「我講笑,因為佢喺台上不斷話我攞獎,所以我咪隨口講,話攞獎就多謝佢畀信心我。其實我覺得有獎項係鼓勵,平常心面對,冇期望就唔會有失望,最想攞係拍檔獎。」
胡鴻鈞不諱言對依婷攞獎有信心:「就由『飛躍』開始,佢今年嘅進步同表現係值得嘉許。(咁你對邊個獎有信心?)我有自知之明,喺戲劇資歷同實力都未足夠可以攞獎,所以大家鍾意就得,我對獎項唔強求,但對依婷嘅獎項就好強求,好想睇佢攞獎時嘅表情,拍劇對佢幾個月,一睇就知係真喊定假喊。(你對電視歌曲獎信心大啲?)《祝君好》係一首經典作品,不容有失,所以之前都花咗唔少時間重新編曲,希望大家會鍾意。」
好多FANS。





Leave a Reply

Your email address will not be published. Required fields are marked *