影帝古天樂、洪金寶今日(30日)…

影帝古天樂、洪金寶今日(30日)到屏山為新戲開鏡拜神,古仔透露新戲打得甘,又連續打足5日。而洪金寶亦有打戲,問到可會吃力?他坦言:「有少少吃力。(點打動?)畀錢我咪得。」古仔亦謂今次好多年青人特地為打戲訓練,大家都親身上陣:「除咗有啲高難度動作搵替身,我入面啲動作好似旋風咁快。(難到你?)ok啦,因為都有少少武打拍攝經驗。」今次電影亦特地搭80年代的九龍城寨景,古仔開心說:「入面全部啲雜誌、電視都係80年代,係我細細個睇嘅電視,幾懷舊、開心。」
問到洪金寶可有與近日捲入桃色風波的好友譚詠麟聯絡?他說:「少啲,因為我啱啱喺上海返嚟。(知道佢新聞?) 少少啦。」問到信不信?他愈講愈中氣十足:「我唔知呀,網上好多嘢唔信得,好多人話我1949年出世,又用另外一個女人嘅相話係我前妻,又話我會老,咁唔通講嗰個人就唔會老咩?因為佢好快就會『釘』,所以咪唔會老。」

Leave a Reply

Your email address will not be published. Required fields are marked *