【#拳王#】為拍劇體脂減剩10%!@shaun譚俊彥 一出場就被打死 網民替他感不值

【【#拳王#】為拍劇體脂減剩10%!@shaun譚俊彥 一出場就被打死 網民替他感不值】無綫台慶劇《拳王》正在熱播,譚俊彥為了拳王角色,狂減22磅兼體脂減剩10%,不過首集在擂台上慘遇缺德對手襲擊頭部,加上賽後頭部再遭重創,結果出場僅得一集便死亡。
由於角色設計討好正氣,譚俊彥又操練得辛苦,網民替他不值兼大感不捨,紛紛指對其只有半集戲分大表驚訝。
譚俊彥笑言:「作為一個演員,只要接咗個角色就要認真對待,無論係一集、半集甚至係一場戲,都應該全力以赴。戲分多與少唔係重點,重點係我有冇演好呢個角色。大家放心,我之後會繼續以另一個方式,喺套劇入面同大家見面。」譚俊彥又指該場拳擊賽事拍攝相當認真,除了有泰拳經驗豐富的冼灝英、黃澤鋒現場指導外,就連譚俊彥劇中對手也是專業拳手:「我哋拍呢場戲都拍咗成個通宵,但我覺得值得。」

Leave a Reply

Your email address will not be published. Required fields are marked *