現年54歲嘅魏駿傑喺2008年同比佢年…

現年54歲嘅魏駿傑喺2008年同比佢年輕20年嘅重慶大學生張利華註冊結婚,並育有一女。自2015年起,二人屢傳婚變,張利華更與單車手鄧宏業傳出緋聞。去年張利華再被發現同外籍銀行家交往,張利華向傳媒指夫婦關係早已名存實亡,暗示同魏駿傑已經5、6年冇性生活;同年二人離婚,離婚後由魏駿傑撫養女兒,他指出一切以女兒為先,而張利華就唔排除會再婚。

魏駿傑離婚後直言前妻嫌棄佢悶,佢指自己嘅心思只係去晒阿女度,所以佢冇怪前妻,而係自己忽略咗對方。而張利華「重獲」自由後,冇咗人妻身份嘅枷鎖,34歲嘅佢好似重獲新生一樣,生活比起以前更加精彩。好動嘅佢會去打高爾夫球、打網球、踩單車、wakesurf同行山等;不時都會去奢侈品牌舉行嘅活動同一啲名媛派對,而身上嘅首飾同服裝、手袋同樣價值不菲,一身行頭似足名流闊太。

都有唔少網民聚焦喺佢又再升級嘅外形上,熱愛運動嘅佢身形keep住咁纖瘦,穿上泳衣一啲贅肉都搵唔到,同時上圍好豐滿,不時大曬S身形。而佢嘅五官都變得更加精緻,鼻高高,面又再V咗、嘴唇更加豐厚,雙眼都比以前更加精靈,網民留言「唔講真係認唔到係同一個人」、「離婚之後好似開心咗靚咗,仲有大把世界」,祝福佢同魏駿傑都可以搵到合適大家嘅新生活啦!

Leave a Reply

Your email address will not be published.