藝人林峯孖內地女星劉濤主演嘅內地劇集《星辰大海》現正熱播，其中除咗林峯嘅咆哮式演技令人期待外，佢一出場嘅髮型亦引起網民熱議。事關劇集背景由90年代講起，而林峯嘅髮型係中間分界，話晒佢係「Chok峯」，即被網民笑指太有年代感，更有網民留下不少負評：「不適合」、「像煤礦老闆。」、「他的造型師請滾！」、「是跟郭晉安的阿旺學嗎？」
由於大批網民戥林峯唔抵，林峯今日（1日）都忍唔住喺社交網發文，望大家打救：「急求一個新髮型！在線等！」其同劇拍檔劉濤、譚耀文等人，紛紛為佢P圖，換上金髮、紅髮，就連歌手Mike（曾比特）嘅招牌爆炸頭都出埋，林峯即相當滿意表示：「新髮型！大家再也不用擔心我的髮型了。」不過大家唔使擔心，因為隨住劇情發展到現代，林峯就會換回型男髮型，重拾男神味！
藝人林峯孖內地女星劉濤主演嘅內地劇集…
