TVB劇集《換命真相》的一眾演員譚俊彥…

TVB劇集《換命真相》的一眾演員譚俊彥、鄧佩儀(Gloria)、朱敏瀚、蔣家旻、林凱恩及陳庭欣等,今日到荃灣為劇集宣傳,大家扮鬼扮馬迎接萬聖節,並即場玩遊戲及派糖果給現場觀眾,而譚俊彥更即場演唱劇集插曲《只因心愛妳》。
譚俊彥透露昨日(29日)已跟子女扮鬼扮馬慶祝萬聖節,他說:「我冇同小朋友一齊去玩,但早前已經陪佢哋買咗萬聖節服裝,當時有好多韓劇《魷魚遊戲》嘅圓圈同正方形符號嘅衫圍住我,阿仔想伸手去攞,但畀我制止,唔好啦!夠啦!因為整件事好血腥,我唔想小朋友咁早接觸到。」他又透露近日接送子女上學,不時會被其他家長用眼神由頭探望落腳,之後便會說:「真係好似(李政宰)。」

對於拍檔鄧佩儀被指難相處,問有沒有安慰對方?譚俊彥說:「唔係真事唔需要多講,都知佢好唔開心。但人哋唔一定要讚你,負面新聞一定係個開始,某程度要用你更加努力去演戲,去令大家認同你。」他還稱無論讚或彈都是好事,起碼知道自己從中可以怎樣改善。




Leave a Reply

Your email address will not be published. Required fields are marked *