藝人文凱婷今日(30日)…

藝人文凱婷今日(30日)於無綫劇集《青春本我》內,與扮演其父母的錢嘉樂及湯盈盈結片緣,不過僅得1場對手戲。她大讚兩位前輩親切,且笑謂:「聽到工作人員講我知,佢哋演我父母,我『吓』咗出嚟,跟住同自己講要演好呢一場戲,好彩都冇NG,只係試機走錯位。(緊張?)按耐住。」
她又表示自己表現獲讚:「拍完後錢嘉樂話我做得好好,叫我加油。(冇讚你靚女?)靚女就唔講得喇,有特色囉,佢話我生得似佢大女,又話我似佢,即係話我有明星相。佢都有講如果二女長大似我就好喇,我當佢係稱讚。」
談到劇集將於12月出街,她表示興奮多於一切:「我哋拍咗個半月,為我哋嚟講多一個新嘅體驗。大家拍咗套劇,估唔到真係會出街,好想睇吓個成果,好想知道剪接效果,出到嚟究竟係點。」

Leave a Reply

Your email address will not be published. Required fields are marked *