藝人陳家樂、廖子妤、白只、楊詩敏等今日…

藝人陳家樂、廖子妤、白只、楊詩敏等今日(23日)出席「《梅艷芳》電影製作特輯首播禮」,前兩者分別片中扮演鄭少秋(秋官)及梅愛芳,齊表示對唱歌戲份最感壓力,當中家樂還要載歌載舞,自爆本身手腳不協調,跳舞更像一隻蟹,問到為何也被選中?他笑說:「可能試鏡前參考咗一幕張國榮嘅表演片段,導演畀我呃到,所以畀機會。(有冇諗住之後唱多啲歌?)如果真係做歌手,我應該會影衰樂壇。」

對於秋官當年被稱為「排骨秋」,家樂透露拍時前未被要求減磅:「試鏡時塊面仲脹卜卜,雖然我好鍾意模仿人,但今次秋官角色難度係9.0,所以都花咗6百幾蚊學咗2堂日文發音,最難係要學原唱者喺走音與唔走音邊緣唱法,同埋說話口脗。」

而廖子妤亦冇意轉做歌手:「雖然我都鍾意唱歌,唱K有時都幾好聽,但見到好多明明喺節目中唱得好好嘅人,都係有好多網上負評,睇到都驚,所以我都係專心演戲算。」更指試鏡時被要求重演當年梅艷芳於電影《胭脂扣》時演繹的《客途秋恨》,為此特別花了近800元跟老師上堂:「南音嘅技巧真係好難,不過最後被揀中,個學費會覺得好抵。」



Leave a Reply

Your email address will not be published. Required fields are marked *