兩位視帝鄭嘉穎、馬國明主演的無綫台慶劇…

兩位視帝鄭嘉穎、馬國明主演的無綫台慶劇《星空下的仁醫》到荃灣宣傳,身在加拿大溫哥華的女主角鍾嘉欣則拍攝短片支持,她指劇集在疫情下拍攝,期間經歷重重困難,希望劇集能帶給大家希望的感覺。嘉穎接受司儀訪問時指過去缺乏與小朋友相處的機會,但近年做了爸爸後耐性也增加。羅子溢則取笑馬國明已經扮演過十多次醫生,平時「醫生」才是正職,嘉穎笑說:「佢做婦科㗎!」

鄭嘉穎與馬國明兩人繼《鐵馬尋橋》後事隔11年再合作,戲中對立大鬥演技,首演醫生的嘉穎指新劇無論是否已為父母,看後也會很感觸,劇情看得讓人心噏。兩人又讚對方沒甚麼改變,馬國明笑說:「佢係緊張啲,返屋企湊仔。」鄭嘉穎笑說:「遲啲你做咗老竇就明。(催吓佢快啲結婚生仔?)呢啲冇得催,到時候就會嚟,佢都知自己唔細,做老竇就快喇。」馬國明笑說:「到時候再話你知,你估好似大佬咁銀根充裕咩。」

講到兩人被指是鏡頭外最麻甩的藝人?馬國明笑說:「演員就係要有咁嘅特質,隨時可以好有型,有時又可以好樣衰。」嘉穎則笑說:「我哋基本上就係兩個麻甩佬,麻甩好正常。」


Leave a Reply

Your email address will not be published. Required fields are marked *