視帝黎耀祥、姚子羚、張振朗等主演…

視帝黎耀祥、姚子羚、張振朗等主演的無綫台慶劇《拳王》將於11月首播,現身在內地工作的祥仔坦言此劇大家都拍得很辛苦,故能夠成為台慶劇都感到開心,他接受東網訪問時謂:「打拳呢個題材近年甚少有,希望可以帶畀觀眾新鮮感。」已貴為3屆視帝的他被問到有否信心4奪視帝時,他謙稱謂:「都係平常心啦!最緊要係套劇出嚟反應好,爭唔爭視帝呢啲對我嚟講冇乜所謂。」

而子羚受訪時指此劇以男仔戲為主,笑言戲份沒有黎耀祥、張振朗、朱敏瀚、黃子恆一眾拳手咁辛苦,她又表示已多年沒有跟黎耀祥合作,對上一次合作已經是9年前的《造王者》,她謂:「所以我哋每次同祥哥同場都會好緊張,好想佢可以畀到一啲意見我哋,每次拍前我都會同祥哥傾,有一位咁勁嘅前輩可以跟佢學嘢係開心嘅,我每次落場都會當自己係一張白紙,期待佢可以教我哋,就算佢唔教,我哋喺側邊睇佢拍都會學到一啲嘢!而我今次唔係同佢一對,關係是友是敵咁,好微妙,好有挑戰性。」

問到會否看好黎耀祥再憑此劇奪視帝時,子羚謂:「我當然好睇好佢,仲有振朗啦!佢哋都好專業,振朗每次拍擂台戲時都好辛苦,操到好大隻,拍完之後見佢又會食番少少朱古力,會好戥佢開心,好明白演員為咗演出付出嘅血與汗,係好感動嘅!」問子羚自己會否望奪視后時,她說:「我冇諗咁多嘢,平常心,最緊要大家鍾意套劇,因為台前幕後都好努力!」




Leave a Reply

Your email address will not be published. Required fields are marked *