林作和女友裕美今日為香港開電視節目…

林作和女友裕美今日為香港開電視節目《世界零食開倉戰》擔任嘉賓。提到他收到拳賽所得逾94萬獎金,林作表示用了3750元買花灑頭,另外為兩部車維修冷氣則花掉約七萬元。他說:「女友為慶祝我打完拳賽就買多隻狗,依家有四隻狗,令我生活好唔安寧,夜晚四隻狗喺床上床下大戰,我嘅地位極度低微,盡量唔會留喺屋企。」

談到想男友送甚麼禮物,裕美表示對方畀油錢:「準備拳賽期間成日車佢,每兩、三日入一次油,每次入油要成千蚊。」林作笑言無問題,又謂跟女友裕美的關係似生意拍檔,多過似情侶,大家簽股份合約居多。問到可會簽紙結婚?他說:「我哋冇諗過生仔,亦冇諗過成家。」裕美則謂想嫁給靚仔,當然想要個似金城武,但會好難,笑說:「林作個樣冇得執,亦冇得救!」


Leave a Reply

Your email address will not be published. Required fields are marked *