內地人氣女星楊冪依家喺內地已經係一姐地位…

內地人氣女星楊冪依家喺內地已經係一姐地位,不過夠親民嘅佢近排多次被網友偶遇周圍行街掃貨,時不時就會被拍得以索爆造型買嘢,尋日(21日)中秋佳節,佢前夫劉愷威同緋聞舊愛魏大勛就尷尬同台大合唱,反而楊冪就一於少理,竟然現身北京一間意大利平民價品牌買衫,真係濕平大過天!店舖Sales一知道大明星嚟行街,就即刻蜂擁上前索合照,淡妝上陣嘅楊冪都冇有怕,直接就舉V同佢哋影相,仲順勢晒埋佢條小蠻腰添。

而今次佢行嘅店,就係打住「BLACK PINK」衣櫃、只賣S碼衫嘅當紅熱店,可以着得呢間賣出嚟嘅衫都必定係Fit爆之人,BLACK PINK多位成員狂着佢哋嘅衫着到街知巷聞,估唔到楊冪都會嚟「潮聖」,網友仲大讚佢天生童顏,同一班嫩口Sales合照都完全睇唔出佢已經35歲,係咁問佢點保養呀!


Leave a Reply

Your email address will not be published.