「旅遊達人」梁彥宗(Chris)…

「旅遊達人」梁彥宗(Chris)一向熱愛旅遊,他所拍攝的《背遊》系列跟以往的旅遊節目不一樣,獨自孭起背包先後帶觀眾到南美、摩洛哥、中亞、中美等不同地方遊歷,大受歡迎。不過Chris今年年初約滿離開TVB,當時他表示TVB並非其主要收入來源,所以不擔心生計。Chris在TVB拍攝第一套亦是最後一套的劇集是《大步走》,飾演歐瑞偉和王綺琴的兒子。離巢後,Chris獲不少網友留言勸他轉投ViuTV,直至最近終於有新消息。

ViuTV昨晚啟播的節目《夕陽新丁》,找來香港的新演員、新歌手、YouTuber或KOL去體驗香港很多式微的行業,而第一集有歌手陳凱詠(Jace)到避風塘的艇上餐廳幫手,而其餘節目主持包括Chris、保錡、渾水、徐㴓喬(Asha)等等,特別化身食客去幫襯,好好食一餐大快朵頤。

大家都七嘴八舌談到自己的打工經驗,鏡頭所見Chris只顧不斷狂食,非常搞笑。最終Chris抽籤抽到將會體驗「雪糕車」和「牧羊人」的職業生涯,大家都話同Chris本身性格非常配合,令人期待。不少網友見到Chris亮相ViuTV,大為驚喜,並特別留言為他加油打氣︰「正呀喂!好有活力嘅節目、呢啲先係後生仔呀嘛」、「終於可以喺ViuTV見到你」、「期待你嗰集呀」、「正呀!ViuTV襯你風格好多!」等等,非常正面。

Chris接受《晴報》電話訪問,問到他在節目中只顧食甚少發言,他表示:「無論台前幕後定成個平台,嗰晚都係第一次合作,我初嚟報到,真係有新丁感覺,唔敢當自己主場咁瘋狂講嘢住呀!不過其實成晚大家都各自講咗好多嘢嘅,真人show就係咁,airtime只係能夠出到少少,始終第一集Jace先係主角嘛!」對於今次轉投ViuTV拍節目,Chris表示:「同Viu第一次合作好好玩,團隊好玩得,亦都好有passion想拍啲有血有肉嘅嘢,好開心可以成為呢個節目嘅一份子。我抽到雪糕車同牧羊人,兩份工都係戶外嘢,好係我style,尤其係牧羊,啲羊無定向,好難搞!」



Leave a Reply

Your email address will not be published.